रोचक संस्मरण आफु डन जस्तो भए बारे

रोचक संस्मरण आफु डन जस्तो भए बारे

आज नेपाली राजनीतिमा डनिज्म बारे एउटा रोचक लेख पढें, अनि लेख्न मन लाग्यो।

डन हुने सम्भावना सबैमा हुन्छ , शायद म मा पनि रहेको थियो तर मैले गरेको सफल अपहरण राजनीतिक प्रकृतिको थियो , यसो पुरानो कुरा सम्झि रहेको छु । डन न भए को भए आनंदी देवी र उनको भतीजा यशवंत सिंह लाई फिल्मी स्टाइलमा प्रहरी, सेना र मंत्रीका आसे पासे लाई छल्दै पुल्चौकको मंत्री निवास बाट अपहरण माथि अर्को अपहरण गर्दै अर्को स्थानमा लुकायी पुलिसका काठमांडौ जिल्लाका तत्कालीन हाकिम सर्वेन्द्र खनाल लाई भेंटी धमकी को भाषामा भने को थिएँ , आनंदी देवस् मंत्री निवास बाट उम्किन सफल हुनु भएको हो र अर्को स्थानमा लुकेर बस्नु भएको छ । तसर्थ यात तपांई आफनो सुरक्षामा लिनुस होई न भने मेरो घरमा प्रहरी सुरक्षा दिनुस , अनि म उनको परिवारका अन्य सदस्य हरु न आउंजेल सम्म म मेरो घरमा केही दिन का लागि राख्न सक्छु । अपहरण माथि अपहरण तत्कालीन प्रधानमंत्री गिरिजा प्रसाद कोइराला र गृह मंत्री कृष्ण सिटौला को कालमा भएको थियो । सर्वेन्द्र खनालले माथि का पुलिस हाकिम संग कुरा गरे । उनले भनेको सुनें। मंत्री निवासमा त हामी जान मनाही छ तर पीडित बाहिर आई सके पछि हामी ले सुरक्षा दिनु पर्ने हो वा होई न । शायद माथि का हाकिम ले स्वीकृति दिए । म पुलिस कार्यालयमा नै बसी राखें । जब मेरो घरमा पुलिस भरिएको दुई वटा भैन पुगेको थाहा पाएँ , अनि मैले लुकाए का स्थान बाट आनंदी देवी र उनको भतीजा लाई निकाली आफनो गाडी मा हाली घर पुगें ।

श्याम सुन्दर गुप्ता त्यस बेला मंत्री थिए । उनी फेरि पनि आनंदी देवी लाई अपहरण गर्ने प्रयास गर्छन, मलाई आशंका थियो । तीन महिना देखि उनले आनंदी देवी लाई अपहरणमा राखेका थिए । त्यस सांझ सिम सिम पानी परी रहेका थियो । राति ११ बजे तिर तीन वटा गाडी मेरो घर नजीक आयी रुके को थियो । गेट भित्र बाट बंद थियो । आठ दस जना बंदुकधारी पर्खाल मा चढी लान मा कुदे । शीशाको झ्याल बाट देखे, घर भित्र ठूलो टेबुलका वरी परी आठ जना बंदुकधारी बसी रहे का थिए । उनीहरु अब भिडन्तमा जान चाहेनन होला । परखालमा चढी कुदी गाडीमा सवार भए र तीन वटा गाडी फित्र्ता भयो । एउटा सेनाको र एउटा सशस्त्र प्रहरीको गाडी थियो , मेरो घर देखाउनका लागि श्याम सुन्दर गुप्ता संग आएका कार्यकत्र्ता ले मलाई पछि भने । सरकार को दोस्त्रो पटक को अपहरण को प्रयास पनि विफल भयो । मधेशको राजनीतिमा सरकार र सुरक्षाबलको भूुमिका यस्तै छ । हामी हर क्षण खतरामा हुन्छौं, चुनौती आए भने डन पनि हुनु परेको छ । अहिले सम्म बाँचैका पनि छौं । उपर वालाको नै कृपा होला, भन्नु पर्यो ।