प्रेस विज्ञप्ति
१.राष्ट्रिय मानव अधिकार आयोग का मा. सदस्य मोहना अंसारी जी लाई नियन्त्रण गर्न तथा अनुशासित बनाउन उक्त आयोगका अध्यक्ष मा.अनुप राज शर्माजी को विज्ञप्ति प्रति मेरो ध्यानाकर्षण भएको छ । मोहनाजी को अषार २३ गते तद्नुसार (जुलाई ७)मा मेरो विरुद्ध शुरु गरिएको कारवाही को विरोध गर्दै गरिएको ट्वीट लाई आधार बनायी आयोग ले अषार २५मा उक्त प्रेस विज्ञप्ति जारी गरेको छ ।सर्वप्रथम त मोहना जी को अभिव्यक्ति को स्वतंत्रता माथि अंकुश लगाउन जुन प्रकारको प्रेस विज्ञप्ति सार्वजनिक गरिएको छ त्यो अत्यन्तै आपत्तिजनक छ । यथार्थमा उक्त विज्ञप्ति सबै प्रबुद्ध र विशेष गरी महिलाहरुलाई मौन राख्न र नियन्त्रित गर्न अपनाइएको एउटा खास विधिको अंग हो । तसर्थ यो अत्यन्त आपत्तिजनक विज्ञप्ति हो ।
२.मोहना अंसारी आयोगको एक सम्मानित, अनुभवी तथा विद्वान महिला सदस्य मात्र हुनु हुन्न, वहाँ कानून को ज्ञाता समेत हुनु हुन्छ। वहाँ संग महिला आयोग को सदस्यको रुपमा कार्य गरेको लामो अनुभव छ । वहाँको ट्वीटबारे सत्य यही हो कि समाजवादी पार्टी का केही पदाधिकारीहरु ले पार्टीको विधान विपरीत कुनै जाँच बूझ समिति गठन गरी त्यस्को प्रतिवेदनको आधार मा मरो पार्टी सदस्यता र सांसद सदस्यत समाप्त गर्ने कार्य गरेका छन । राजनतिक दल सम्बन्धी ऐन २०७३ अनुसार पार्टीको ३२५ केन्द्रिय सदस्य मात्र कसैको विरुद्ध अनुशासनको कारवाही गर्न सक्ने समर्थ समिति हो । मोहना जी ले निश्चित रुपमा यो कुरा जान्नु र बुझ्नु भए को छ ।
३. साथै आयोगले आफनो विज्ञप्तिमा राजनतिक दललाई जुन प्रकारको एउटा रहस्यमय इकाईको रुपमा प्रस्तुत गरी दलको गरिमा स्थापित गर्न खोजेको हो, त्यो अत्यन्त गलत हो र म यस प्रति आफनो गम्भीर आपत्ति जनाउंदै छु । राज्यको सार्वजनिक र राजनीतिक जीवनको संचालन रहस्यमयी दल ले होई न , संविधान र कानून ले गर्ने हो । राजनीतिक दल संविधान ले सिर्जित गरेको एउटा वस्तुगत संस्था हो र दलको सीमा तथा अधिकार कानून ले निर्धारित गरेको छ । उक्त सीमा को उल्लंघन कुनै दल ले गरेमा त्यस्को कानूनी उपचार न्यायपालिका बाट भएको कईयौं उदाहरण हामी हरु समक्ष छन । संघीय कानून को उल्लंघन गरेको अवस्थामा पनि दलको गरिमाको रक्षाको आशय व्यक्त गर्दै आयोगले विज्ञप्ति जारी गर्नु खेदजनक हो । तसर्थ म यस प्रेस विज्ञप्ति मार्फत आग्रह गर्दछु कि आयोग ले सबै सम्बन्धित कानून तथा पक्ष को अध्ययन गरी मोहना जी को बारेमा निकाले को आफनो विज्ञप्ति फित्र्ता लिउन ्।
.
सरिता गिरी
मितिः असार २६,२०७७
Comments
Post a Comment